ՈՒՍԱՔԻ ՆԵՐԿԱՅԱՑՈՒՑԻՉՆԵՐԸ ՊԱՏՐԻԱՐՔԱՐԱՆԻ ՄԷæ

Միջազգային Ռազմավարութեան Հետազօտութեան Հիմնարկ՝ §ՈՒՍԱՔ¦ի ներկայացուցիչներ 26 Յուլիս 2010, Երկուշաբթի, ժամը 16.00ին Պատրիարքարան այցելեցին եւ ընդունուեցան Պատրիարքական Ընդհանուր Փոխանորդ Բարձր. Տ. Արամ Ս. Արքեպսկ. Աթէշեանի կողմէ։

Սրբազան Հօր բարի գալստեան խօսքէն ետք անոնք յայտնեցին, թէ ՈՒՍԱՔի եւ Միջին Արեւելեան Յարաբերութեանց հետ համագործակցաբար ընթացող ծրագիր մըն էր, որ կը մշակէին։ Թուրքիոյ արտաքին քաղաքականութեան եւ ընկերային կառոյցին հետ առընչուած սոյն ծրագրին մաս կը կազմէր նաեւ Հայոց Պատրիարքարանի եւ Համայնքի գործունէութիւնները, որոնց մասին տեղեկութիւններ խնդրեցին Նորին Սրբազնութենէն։

Սրբազան Հայրը Պատրիարքական Աթոռոյ, Համայնքային ու հոգեւոր գործունէութեանց մասին տեղեկութիւններ փոխանցեց ներկաներուն։ Ապա, մի առ մի պատասխանեց իրենց հարցումներուն։

Մտերմիկ մթնոլորտի մէջ կայացած զրոյցէն ետք պատուիրակութիւնը շնորհակալութիւն յայտնեց ու գոհ տպաւորութեամբ հրաժեշտ առաւ Պատրիարքարանէն։